Аголните гарнитури – предности и карактеристики

Аголните гарнитури со текот на времето станаа омилен мебел за во дневната соба, бидејќи имаат голем број предности и се чувствуваат “како дома” во различните простории. Меѓутоа, пред да купите аголна гарнитура, без разлика дали посетувате продавница за мебел или ја купувате онлајн, погледнете ги придобивките од аголните гарнитури. На тој начин однапред ќе добиете јасна визија за Вашите желби и потреби и ќе знаете дали решението за Вашата дневна соба е популарната аголна гарнитура. Ова се основните предности на аголните гарнитури:

Повеќе простор

Аголните гарнитури имаат способност да заштедат простор и да направат просторијата да изгледа попространа. Причината за тоа е што се дизајнирани да го заземаат слободниот агол од собата. На овој начин, аголот на просторијата е искористен ефикасно и максимално, а најчесто тој останува неискористен. Со тоа исто така си обезбедувате и повеќе места за седење на гарнитурата, што ја прави соодветна за семејни собири и домашни забави, особено ако сте повикале повеќе луѓе.

Разновидност од димензии

Аголните гарнитури се достапни во повеќе димензии, така што тие можат да се вклопат и во мали и во поголеми простории во зависност од големината, локацијата и карактеристиките на просторот. Аголната гарнитура е соодветен избор за во домови со ограничен простор, бидејќи е навистина практична. Правилната димензија совршено ќе се вклопи во собата и ќе Ви даде доволно удобност. На овој начин ќе ја постигнете истата атмосфера и функционалност како и со поголемите гарнитури , но во покомпактна форма.

Функционалност

Повеќето аголни гарнитури со дел за лежење (кауч) обезбедуваат дополнително место за спиење во дневната соба, на кој можете да сметате секогаш кога ситуацијата го бара тоа. Различните модели имаат различен тип функција „кревет“, со механизам за растегнување или „цик-цак“ механизам, а просторот за спиење варира според големината на гарнитурата и начинот на истегнување. Истражувањето на видовите механизми ќе Ви помогне да ја пронајдете најсоодветната опција според Вашите барања.

Богатство од стилови и бои

Пазарот за мебел е богат со ралични стилови на аголни гарнитури во различни комбинации на бои и дезени. Стилот е важен затоа што е препорачливо да се вклопи со другиот мебел во домот. Ако го уредувате домот со сосема нов мебел, однапред можете да го одредите стилот на домот и саканиот стил на аголна гарнитура. Често продавниците за мебел нудат еден модел во неколку бои и дезени, што го олеснува изборот. Претходното разгледување на овие карактеристики значително ќе го намали опсегот на пребарување и ќе Ви помогне полесно да ја пронајдете вистинската аголна гарнитура за Вас.

Место за складирање

Дали Ви недостасува простор за складирање во домот? Решението е аголна гарнитура со сандак, која ќе Ви даде практичен простор за складирање на ќебиња, постелнина или се друго што имате потреба да го приберете. Димензијата на сандакот често се одредува според големината на делот за лежење (каучот), бидејќи е поставен под тој дел. Можно е сандакот да го заземе просторот под целата гарнитура, но тоа е во случај кога гарнитурата е со „цик-цак“ механизам. Затоа е добро претходно да ја земете во предвид претпочитаната големина на сандакот и најудобниот механизам за Вас.

Слободно време и дружење

Аголната гарнитура е првиот избор за поминување на слободното време навечер и за време на викендите. Таа е одлична придобивка за дневната соба и за оние од Вас кои често сакаат да покануваат гости дома. Во зависност од просторијата и благодарение на обликот на гарнитурата, неколку луѓе можат да си зборуваат слободно без да е потребно постојано да се вртат еден кон друг. Покрај тоа, сите можат лесно да комуницираат без никој да се чувствува изолиран или запоставен во разговорот. Ако не планирате гости со специјално мени за вечера, аголната гарнитура е одлично место за домашни забави и дружење.

Вистинската аголна гарнитура може да ја направи Вашата дневна соба да изгледа визуелно поголема отколку што е, додека во исто време практично да го искористите просторот во аголот, кој инаку би останал неискористен. Со вистинската боја и стил ќе ја создадете саканата атмосфера и удобност и ќе постигнете хармонија со целокупниот ентериер. Верувајте му на Вашиот вкус и изберете аголна гарнитура на која ќе и се радувате долго време и целосно ќе ги задоволи Вашите потреби и стилот на Вашиот живот.

Вашата аголна гарнитура Ве очекува, само треба да ја пронајдете во онлајн продавницата на Мебел Виденов. Доколку се двоумите дали аголната гарнитура е вистинското решение за Вас, можете исто така да ги погледнете нашите предлози за софи во П-облик, софи, фотејли и табуретки и да изберете мебел со кој ќе ја креирате Вашата совршена дневна соба.